隔牆有耳：

何君堯：let the horse come

 

一過正月十五，鄉議局就家宅不寧。噚日鄉議局開會，討論點處理沙田鄉委會主席莫錦貴上月動議譴責屯門鄉委會主席何君堯，不滿對方指摘鄉議局唔支持申報僭建。
上次係譴責動議前走人嘅何君堯，今次有備而嚟坐定定反擊，批評莫錦貴只根據傳媒嘅片言隻語指控佢，缺乏證據，要求取消呢個動議。咁啱今次輪到莫錦貴缺席，代主席張學明裁決，下月開會再處理。何君堯話個幾月前去信莫錦貴，要求對方解釋，質疑莫錦貴未必識寫字而冇回信，仲喺大會高喊「let the horse come！放馬過來！」莫錦貴噚日電話長響，暫時未有隔空反駁何君堯。