為什麼政府不好好考慮下，接受意見，一意孤行堆填區、焚化爐呢？

2013-12-01 08:42:07

等離子氣化垃圾處理技術:

● 零排放,無毒

● 無氧下,產出沼氣或乙醇等燃料,可供電

● 5000度高溫,垃圾變建築物料

● 成本估計72億,日處理2000噸垃圾;石鼓洲焚化爐連填海造價250億日燒3000噸垃圾.

● 現在起步3年建成投入運作;石鼓洲焚化爐2020投入運作.

` 何君堯考察英荷後提出,我真係第一次聽,當堂醒哂! 如果搞得成, 肯定非常好賣, 政府大可先建試點嘗試. 但作為短期內(5yrs)主要處理廢物既方法之一,我有些少保留,有無外國公司會投標接呢? 呢個最現實問題黎. 政府而家堆填區招標其實已經選擇唔多. 

` 最簡單係 政府放風出去收意向書,睇下有無公司遞,有人遞即係可行,咁政府唔會再有藉口say NO! 成唔成熟唔係我同你講,更加唔係環境局黃錦星去講, 佢地識鬼咩! 應該交俾市場自決, 由國際專業既公司自己評估做唔做得黎,最有說服力!. 

` 如果真係行得通, 市民居民無理由唔全力支持! 這陣子我才為政府擔心,上個年度由於正副局政治白痴, 主動撤回將軍澳堆填區擴建政治自殺, 激起屯門強烈反彈. 雖然政府已經知錯,打算亡羊補牢三個堆填區加石鼓洲焚化爐綑綁投票, 但我斷言政府已經於事無補! 用泛民金句,群眾已經覺醒了,政府今次綑綁式投票, 反而更加激化反對力量,創造條件迫四區居民聯合起來, 正所謂綑綁又死,唔綁又死......

` 但何君堯提呢個方案出黎,交計劃書俾政府,其實係俾條生路政府行. 政府識諗應該著緊D, 係呢件事上面積極D, 一來爭取市民支持,二來討好下屯門鄉紳,何生值一萬票架! 可惜政府白痴到無可救藥,一口回絕左話不可行,後路都自斷埋, 就算真係唔可行你都應酬下 話可以研究啦...... 再者我認為成唔成熟,可唔可行唔係你班AO講! 環境局就真係唔成熟啦!

垃圾處理都搞成咁, 唔好話政改, 標準工時都唔知搞唔搞得成,施政一塌糊塗!

[資料來源：https://www.facebook.com/photo.php?fbid=613791995345574&set=a.140039469387498.25268.100001443363610&type=1&theater]